Kukuri kultur taldea

Kukuri kultur taldea

Kukuri Kultur Elkartea, Bidania-Goiatzen euskal kultura sustatzeko asmotan eratutako lagun talde bat da. Egitasmo eta jarduera puntual solte batzukin hasi arren, herritarren parte hartzearekin eta berauen ilusioarekin etengabe hazi nahi duena, programa, egitarau eta ekintzez osatutako urteroko programa iraunkor eta irmo batera iristeko helburuarekin.

Egitasmoaren oinarri eta motor giza baliabideak ditugunez, langintza honetan herritar guztiak bidelagun izan nahi ditugu, azken finean, lagun-sare handi baten bidez egitasmo kalitatez hobea eta kopuruz osatuagoa lortu nahi delako.

Herriko beste taldeekin partaidetza lanak egiteko irekitasuna ere garrantzitsua da Kultur Elkartearentzat, herritarren beharrei behar bezala erantzuteko.

Gure arbasoen tradizioei eutsi nahi diegu, zenbait kasutan berauek eraldatu eta berritu beharko badira ere, horretarako kontzientzia piztu nahi da eta Elkartea bere lehen pausoetan dabilenez prest gaude, besoak zabalik, gurekin bat egin nahi duten guztioi ongi etorria emateko. Aurrerantzean ere kultura eta hizkuntza uztarri berean loturik izango ditugulako.